Ako jaje staviš u čašu obične vode, potonuće na dno. Ali što se dešava ako dodaš so?

Potrebno je:

Jedno živo jaje,

Voda,

So,

Visoka čaša

Instrukcije:

Sipaj vodu u čašu do polovine.

Uspi 6 velikih kašika soli.

Promiješaj.

Pažljivo dospi vode da napuniš čašu ali ne miješaj, tako da je obična voda na vrhu slane – pažljivo da se ne pomiješaju.

Lagano spusti jaje u vodu i gledaj što se dešava.

Što se dešava?

Slana voda je gušća od obične vode, a jaje (tj. tečnost u jaju) ima manju gustinu od slane vode (i veću od obične). Kad spustiš jaje u vodu ono propada kroz običnu vodu jer je gustina jaja veća od gustine obične vode, dok ne dostigne do slane vode. Ovdje jaje staje jer je slana voda gušća od gustine jaja i zbog toga jaje ne može da propadne do dna, već pluta.